பள்ளி மாணவர்களுக்கு இலவச சீருடை

சுரண்டை:

சுரண்டை வேலாயுத நாடார் அன்ட் சன்ஸ் நிறுவனம் மற்றும் சுரண்டை நாடார் வாலிபர் சங்கம் இணைந்து சிவகுருநாதபுரம் அரசு மேல்நிலைப் பள்ளி மாணவ-மாணவிகளுக்கு இலவச சீருடை வழங்கும் நிகழ்ச்சி நடந்தது. தலைமை ஆசிரியர் கனகராஜ் தலைமை தாங்கினார். பெற்றோர் ஆசிரியர் சங்க நிர்வாகிகள் அமுதா, சந்திரன் ஆகியோர் முன்னிலை வகித்தனர். உதவி தலைமை ஆசிரியர் கனகராஜ் வரவேற்றார். சுரண்டை வேலாயுத நாடார் சன்ஸ் உரிமையாளரும், நாடார் வாலிபர் சங்க கவுரவ தலைவருமான எஸ்.வி.கணேசன் கலந்துகொண்டு 120 மாணவ மாணவிகளுக்கு இலவச சீருடை வழங்கினார்.

நிகழ்ச்சியில் முன்னாள் நகர தி.மு.க. செயலாளர் முத்துக்குமார், பள்ளி மேலாண்மைக் குழு உறுப்பினர்கள் அருணா கண்ணன், சங்கர், கவுன்சிலர்கள் உஷா பேபி பிரபு, கணேசன், வசந்தன், பொன்ராணி ஸ்டீபன், நாடார் வாலிபர் சங்க நிர்வாகிகள் கணபதி முருகன் ஆர்.வி.ராமர், கே.டி.பாலன், நகர பாரதிய ஜனதா பொறுப்புக் குழு உறுப்பினர் கோகுல் கண்ணன் உள்பட பலர் கலந்து கொண்டனர்.