மத்திய அரசின் போட்டித்தேர்வுக்கு இலவச பயிற்சி வகுப்பு; இன்று தொடங்குகிறது

அரியலூர் மாவட்ட வேலை வாய்ப்பு மற்றும் தொழில்நெறி வழிகாட்டும் மையத்தில் செயல்படும் தன்னார்வ பயிலும் வட்டம் சார்பில் மத்திய-மாநில அரசுகளின் போட்டித்தேர்வுகளுக்கு இலவச பயிற்சி வகுப்புகள் நடத்தப்படுவது வழக்கம். இந்த நிலையில் மத்திய அரசு பணியாளர் தேர்வாணையத்தால் அறிவிக்கப்பட்டுள்ள ஒருங்கிணைந்த பட்டதாரி நிலையிலான தேர்வுக்கான இலவச பயிற்சி வகுப்பு இன்று (புதன்கிழமை) முதல் வேலை வாய்ப்பு அலுவலகத்தில் தொடங்கப்படவுள்ளது. பயிற்சி வகுப்புகள் சிறந்த பயிற்றுனர்களை கொண்டு நடத்தப்படவுள்ளது. மேற்காணும் இலவச பயிற்சி வகுப்புகளில் கலந்து கொள்ள விருப்பம் உள்ளவர்கள் தேர்வுக்கு விண்ணப்பித்ததற்கான நகல்களுடன், பாஸ்போர்ட்டு அளவு புகைப்படம், தங்களது ஆதார் அட்டை நகல் மற்றும் சுயவிவரக் குறிப்புகளுடன் அரியலூர் மாவட்ட வேலை வாய்ப்பு அலுவலகத்தில் நேரில் தொடர்பு கொள்ளலாம். இப்பயிற்சி வகுப்புகளில் கலந்து கொள்ளும் இளைஞர்களுக்கு மாதிரி தேர்வுகள் நடத்தப்பட உள்ளது, என்று கலெக்டர் ரமணசரஸ்வதி தெரிவித்துள்ளார்.