மின்சாரம் தாக்கி மீனவர் சாவு
நகையில் மின்சாரம் தாக்கி மீனவர் உயிரிழந்தார்.
வெளிப்பாளையம்:
நாகை நம்பியார்நகர் நடுத்தெருவை சேர்ந்தவர் ராமச்சந்திரன் (வயது 48).மீனவர். இவருக்கு ஏலாட்சி (45) என்ற மனைவியும், 2 குழந்தைகளும் உள்ளனர். இந்த நிலையில் சம்பவத்தன்று ராமச்சந்திரன் வீட்டு வாசலில் இருந்த மின்மோட்டாரை இயக்க சுவிட்சை போட்டுள்ளார். அப்போது அவரை மின்சாரம் தாக்கியது. இதில் ராமச்சந்திரன் சம்பவ இடத்திலேயே பரிதாபமாக உயிரிழந்தார். இதுகுறித்து வெளிப்பாளையம் போலீசார் வழக்குப்பதிவு செய்து விசாரணை நடத்தி வருகின்றனர்.