தர்மபுரி மாவட்டத்தில் 2 மையங்களில்பிளஸ்-2 தேர்வு விடைத்தாள்கள் திருத்தும் பணிஇன்று தொடங்குகிறது

தமிழகம் முழுவதும் பிளஸ்-2 பொதுத்தேர்வுகள் கடந்த 13-ம் தேதி தொடங்கி நடைபெற்று முடிந்தது. இந்த நிலையில் தமிழகம் முழுவதும் பிளஸ்-2 பொதுதேர்வு விடைத்தாள்கள் திருத்தும் பணி இன்று (திங்கட்கிழமை) தொடங்குகிறது. தர்மபுரி மாவட்டத்தில் தர்மபுரி அவ்வையார் அரசு மகளிர் மேல்நிலைப்பள்ளி, அரூர் விஜய் வித்யாலயா மெட்ரிக் பள்ளி ஆகிய 2 மையங்களில் பிளஸ்-2 பொதுத்தேர்வு விடைத்தாள்கள் திருத்தும் பணி நடக்கிறது. தர்மபுரியில் மாவட்ட கல்வி அலுவலர் ராஜகோபால் தலைமையிலும், அரூரில் மெட்ரிக் பள்ளி மாவட்ட கல்வி அலுவலர் ரேணுகோபால் தலைமையிலும் விடைத்தாள்கள் திருத்தும் பணி நடக்கிறது. 1,000 ஆசிரியர்கள் பொதுத்தேர்வு விடைத்தாள்கள் திருத்தும் பணியில் ஈடுபடுகிறார்கள்.