தி.மு.க. மகளிர் தொண்டர் அணி நிர்வாகிகள் கூட்டம்

நெல்லை தெற்கு புறவழிச்சாலையில் உள்ள தி.மு.க. அலுவலகத்தில் நெல்லை மத்திய மாவட்ட தி.மு.க. மகளிர் அணி மற்றும் மகளிர் தொண்டர் அணி நிர்வாகிகள் கூட்டம் நடந்தது. மத்திய மாவட்ட பொறுப்பாளர் டி.பி.எம். மைதீன்கான் தலைமை தாங்கினார். மாநகர செயலாளர் சுப்பிரமணியன், மகளிர் தொண்டர் அணி அமைப்பாளர் விஜிலா சத்யானந்த் உள்ளிட்டவர்கள் முன்னிலை வகித்தனர்.

கூட்டத்தில் வருகிற நாடாளுமன்ற தேர்தலில் தி.முக. அமோக வெற்றி பெற மகளிர் அணியினர் அயராது பாடுபட வேண்டும். பெண்களுக்கு அரசு செயல்படுத்தி வரும் நலத்திட்டங்கள் குறித்து மக்களிடம் எடுத்துரைத்து பிரசாரம் மேற்கொள்ள வேண்டும் என்பன உள்ளிட்ட அறிவுரைகள் வழங்கப்பட்டது. நெல்லை மண்டல தலைவர் மகேஷ்வரி மற்றும் பலர் கலந்து கொண்டனர்.