தி.மு.க. செயற்குழு கூட்டம்

நெல்லை மத்திய மாவட்ட தி.மு.க. செயற்குழு கூட்டம், வண்ணார்பேட்டையில் உள்ள கட்சி அலுவலகத்தில் நடந்தது. மத்திய மாவட்ட பொறுப்பாளர் டி.பி.எம்.மைதீன்கான் தலைமை தாங்கினார். நெல்லை சட்டமன்ற தொகுதி பொறுப்பாளர் வசந்தம் ஜெயக்குமார் சிறப்பு அழைப்பாளராக கலந்து கொண்டார்.

கூட்டத்தில் வருகிற நாடாளுமன்ற தேர்தலில் தீவிரமாக செயல்பட்டு, 40 தொகுதிகளிலும் அமோக வெற்றி பெற வேண்டும். பூத் கமிட்டி அமைக்கும் பணிகளை மேற்கொள்ள வேண்டும் என்று ஆலோசனை வழங்கப்பட்டது.

நெல்லை மாநகராட்சி மேயர் சரவணன், துணை மேயர் ராஜூ, மாநில மகளிர் தொண்டரணி அமைப்பாளர் விஜிலா சத்யானந்த், மாநகர இளைஞர்அணி அமைப்பாளர் கருப்பசாமி கோட்டையப்பன் மற்றும் பலர் கலந்து கொண்டனர்.