தொழில் முனைவோருக்கான மேம்பாட்டு நிகழ்ச்சி

ஆற்காடு சித்திஸ்வரர் பாலிடெக்னிக் கல்லூரி மற்றும் வேலூர் தந்தை பெரியார் பாலிடெக்னிக் கல்லூரி இணைந்து நடத்திய தொழில் முனைவோருக்கான மேம்பாட்டு நிகழ்ச்சி சித்திஸ்வரர் பாலிடெக்னிக் கல்லூரி வளாகத்தில் நடைபெற்றது. நிகழ்ச்சிக்கு சித்திஸ்வரர் பாலிடெக்னிக் கல்லூரியின் தாளாளர் தரணிபதி தலைமை தாங்கினார். கல்லூரி முதல்வர் ஜெயபிரகாஷ் நாராயணன் வரவேற்று பேசினார். இதில் தந்தை பெரியார் பாலிடெக்னிக் கல்லூரி முதல்வர் மேகலா கலந்துகொண்டு தொழில் முனைவோர் நிகழ்ச்சி பற்றி பேசினார். சிவக்குமார் தொழில் முனைவோர் மேம்பாடு பற்றியும், ராணிப்பேட்டை உதவி இயக்குனர் கோமதி தொழில் முனைவோர் என்ன தொழில் தொடங்கலாம், அதற்கான வழிமுறைகள் மற்றும் என்னென்ன உதவிகள் பெறலாம் என்பது பற்றி பேசினார். பஞ்சாப் நேஷனல் வங்கி உதவி மேலாளர் ராஜசேகர் மற்றும் சுரேஷ் பாபு ஆகியோர் கலந்து கொண்டு தொழில் முனைவோர் மேம்பாடு சம்பந்தமாக மாணவ- மாணவியர்களுக்கு தங்கள் துறை சார்ந்த விளக்கங்களை அளித்தனர. முடிவில் விரிவுரையாளர் தினேஷ் நன்றி கூறினார்.