நல்லம்பள்ளி:
நல்லம்பள்ளி அருகே உள்ள தேவரசம்பட்டி கிராமத்தை சேர்ந்தவர் வேடியம்மாள் (வயது 75). சம்பவத்தன்று இவர் தேவரசம்பட்டி பஸ் நிறுத்தம் அருகே சாலையை கடக்க முயன்றார். அப்போது வேகமாக வந்த மோட்டார் சைக்கிள் அவர் மீது மோதியது. இதில் தூக்கி வீசப்பட்டு அவர் படுகாயம் அடைந்தார். அக்கம் பக்கத்தினர் அவரை மீட்டு சிகிச்சைக்காக தர்மபுரி அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி வேடியம்மாள் நேற்று பரிதாபமாக உயிரிழந்தார். இந்த விபத்து குறித்து அதியமான்கோட்டை போலீசார் வழக்குப்பதிவு செய்து விசாரணை நடத்தி வருகிறார்கள்.