காங்கிரஸ் நிர்வாகிகள் கூட்டம்

மானூர்:

மானூர் அருகே அழகியபாண்டியபுரத்தில் வட்டார காங்கிரஸ் நிர்வாகிகள் கூட்டம் நடைபெற்றது. மாவட்ட காங்கிரஸ் கமிட்டி தலைவர் சங்கரபாண்டியன் தலைமை தாங்கினார். மாநில வழக்கறிஞர் பிரிவு இணைத்தலைவர் மகேந்திரன் முன்னிலை வகித்தார். மாநில பொதுக்குழு உறுப்பினர் சொர்ணம் வரவேற்று பேசினார்.

சிறப்பு அழைப்பாளராக முன்னாள் மத்திய மந்திரி தனுஷ்கோடி ஆதித்தன் கலந்து கொண்டு பேசினார்.

நாடாளுமன்ற தேர்தல் பணி குறித்து ஆலோசனை செய்யப்பட்டது. கூட்டத்தில் வட்டார தலைவர்கள் அலெக்ஸ், காமராஜ் உள்ளிட்ட வட்டார காங்கிரஸ் நிர்வாகிகள் பலர் கலந்து கொண்டனர்.