சிவகிரியில் இந்திய கம்யூனிஸ்டு கட்சி பொதுக்கூட்டம்

சிவகிரி:

சிவகிரி நகர இந்திய கம்யூனிஸ்டு கட்சியின் சார்பாக நிதியளிப்பு மற்றும் அரசியல் விளக்க பொதுக்கூட்டம் சிவகிரியில் நடைபெற்றது. மாவட்ட செயலாளர் இசக்கித்துரை தலைமை தாங்கினார். மாவட்ட துணை செயலாளர் வேலாயுதம், தென்காசி தொகுதி முன்னாள் நாடாளுமன்ற உறுப்பினர் லிங்கம் ஆகியோர் முன்னிலை வகித்தனர். நகர செயலாளர் பாலசுப்பிரமணியம் வரவேற்று பேசினார். கூட்டத்தில் இந்திய கம்யூனிஸ்டு கட்சியின் மாநில செயலாளர் முத்தரசன் சிறப்பு விருந்தினராக கலந்து கொண்டு பேசினார். அவரிடம் ரூ.2 லட்சம் நிதியை மாவட்ட பொருளாளர் சுப்பையா வழங்கினார். கூட்டத்தில், மாநில செயற்குழு உறுப்பினர் சந்தானம், மாவட்ட நிர்வாகக்குழு உறுப்பினர்கள் மாரியப்பன், வேலு, கிட்டப்பா, சிங்காரவேலு, பரமசிவன் உள்பட திரளானவர்கள் கலந்து கொண்டனர்.