மோட்டார் சைக்கிள்கள் மோதல்; 3 பேர் காயம்

பாவூர்சத்திரம்:

பாவூர்சத்திரம் அருகே உள்ள கீழ அரியப்பபுரம் பகுதியைச் சேர்ந்தவர் சசிகுமார் மகன் விக்ரம் (வயது 22). சுரண்டை காமராஜர் தெருவை சேர்ந்த துரைராஜ் மகன் தங்கராஜ் (17). இவர்கள் 2 பேரும் நண்பர்கள் ஆவர்.

சம்பவத்தன்று விக்ரம் தனது மோட்டார் சைக்கிளில் தங்கராஜை அழைத்துக் கொண்டு பாவூர்சத்திரம் நோக்கி வந்து கொண்டு இருந்தார். பாவூர்சத்திரம் வி.ஏ.நகர் பகுதியில் வந்த ேபாது, பாவூர்சத்திரம் இந்திரா நகரை சேர்ந்த செல்வராஜ் மகன் முகேஷ் (20) என்பவர் மற்றொரு மோட்டார் சைக்கிளில் வந்தார். கண் இமைக்கும் நேரத்தில் 2 மோட்டார் சைக்கிளும் நேருக்கு நேர் மோதிக் கொண்டது. இதில் தூக்கி வீசப்பட்ட 3 பேரும் பலத்த காயம் அடைந்தனர். அவர்களை அக்கம்பக்கத்தினர் மீட்டு சிகிச்சைக்காக தென்காசி அரசு ஆஸ்பத்திரிக்கு அனுப்பி வைத்தனர்.

இதுகுறித்து பாவூர்சத்திரம் போலீசார் வழக்குப்பதிவு செய்து விசாரணை நடத்தி வருகின்றனர்.