பரமத்திவேலூரில் ரூ.61 ஆயிரத்துக்கு தேங்காய் ஏலம்!

பரமத்திவேலூர்

பரமத்திவேலூரில் செயல்பட்டு வரும் மின்னணு தேசிய வேளாண்மை சந்தையில் செவ்வாய்க்கிழமை தோறும் தேங்காய் மறைமுக ஏலம் நடைபெற்று வருகிறது. கடந்த வாரம் நடைபெற்ற ஏலத்திற்கு 3 ஆயிரத்து 846 கிலோ தேங்காய்களை விவசாயிகள் கொண்டு வந்திருந்தனர். இதில் அதிகபட்சமாக கிலோ ரூ.21.75-க்கும், குறைந்தபட்சமாக ரூ.15.05-க்கும், சராசரியாக ரூ.19.69-க்கும் ஏலம் போனது. மொத்தம் ரூ.76 ஆயிரத்து 301-க்கு வர்த்தகம் நடைபெற்றது. நேற்று நடைபெற்ற ஏலத்திற்கு 3 ஆயிரத்து 320 கிலோ தேங்காய்களை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.22.10-க்கும், குறைந்தபட்சமாக ரூ.15.10-க்கும், சராசரியாக ரூ.17.80-க்கும் ஏலம் போனது. மொத்தம் ரூ.61 ஆயிரத்து 49-க்கு வர்த்தகம் நடைபெற்றது.