பெண்ணுக்கு கொலை மிரட்டல் விடுத்த 5 பேர் மீது வழக்கு

ஓசூர்:

ஓசூர் கொத்தூரை சேர்ந்தவர் ஜனனி பிரியங்கா (வயது 20). தனியார் கல்லூரியில் டிப்ளமோ 3-ம் ஆண்டு படித்து வருகிறார். இவருக்கும், திருப்பத்தூர் மாவட்டம் செல்ரப்பட்டியை சேர்ந்த லோகேஸ்வரன் (29) என்பவருக்கும் கடந்த 5 மாதங்களுக்கு முன்பு திருமணம் நடந்தது. லோகேஸ்வரன் பெங்களூருவில் உள்ள ஒரு தனியார் நிறுவனத்தில் வேலை செய்து வருகிறார்.

இந்த நிலையில் கணவன், மனைவி இடையே அடிக்கடி குடும்ப பிரச்சினை இருந்து வந்ததாக கூறப்படுகிறது. சம்பவத்தன்று ஓசூர் கொத்தூரில் தனது பெற்றோர் வீட்டில் இருந்த ஜனனி பிரியங்காவை, லோகேஸ்வரன் தரப்பினர் தாக்கி மிரட்டல் விடுத்ததாக தெரிகிறது. இதுகுறித்து ஜனனி பிரியங்கா ஓசூர் டவுன் அனைத்து மகளிர் போலீசில் புகார் கொடுத்தார். அதன்பேரில், லோகேஸ்வரன், நர்மதை என்கிற நதியா (35), மகேஷ் (38), குருமூர்த்தி (60), மணியம்மா (55) ஆகிய 5 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.