புத்தக கண்காட்சி தொடக்க விழா

கோவில்பட்டி:

கோவில்பட்டி காந்தி மண்டபத்தில் புத்தாண்டு தினத்தை முன்னிட்டு நேஷனல் புக் டிரஸ்ட் மற்றும் நியூ செஞ்சுரி புக் ஹவுஸ் சார்பில் 37-வது தேசிய புத்தக கண்காட்சி தொடக்க விழா நடந்தது. புனித ஓம் கல்வி நிறுவனங்களின் தாளாளர் லட்சுமண பெருமாள் தலைமை தாங்கி விற்பனையை தொடங்கி வைத்தார். முதல் விற்பனையை ஜி.வி.என். கல்லூரி முதல்வர் சாந்தி மகேஸ்வரி பெற்றுக் கொண்டார்.

நிகழ்ச்சியில் அனைவருக்கும் கல்வி இயக்க உதவி திட்ட அதிகாரி முனியசாமி, ஜே.சி.ஐ. தலைவர் தீபன் ராஜ், கிருஷ்ணமூர்த்தி, நாடார் மேல்நிலைப்பள்ளி தலைமை ஆசிரியர் ஜான் கணேஷ், மண்டப பொறுப்பாளர் திருப்பதி ராஜா, வடக்கு மாவட்ட காங்கிரஸ் தலைவர் காமராஜ், நடராஜன், முத்து முருகன், பூல்பாண்டி, ஆசிரியர் செல்வின் உள்பட பலர் கலந்து கொண்டனர்.

ஜனவரி 12-ந் தேதி வரை நடைபெறும் புத்தக கண்காட்சியில் வரலாற்று புதினங்கள், வாழ்க்கை வரலாறு, இலக்கியம், நாவல், சிறுகதைகள், கட்டுரைகள், ஆங்கில நாவல்கள், போட்டி தேர்வு நூல்கள் உள்பட 5 ஆயிரம் தலைப்புகளில் 1 லட்சத்திற்கும் மேற்பட்ட புத்தகங்கள் இடம் பெற்றுள்ளன. அனைத்து புத்தகங்களுக்கும் 10 சதவீதம் தள்ளுபடி வழங்கப்படுகிறது. நியூசெஞ்சுரி புக் ஹவுஸ் திருநெல்வேலி மேலாளர் பூர்ணா ஏசுதாஸ் நன்றி கூறினார்.