சிதம்பரம் தில்லை காளியம்மன் கோவிலில் உண்டியல் திறப்பு ரூ.9½ லட்சம் காணிக்கை வசூலானது

சிதம்பரம், 

சிதம்பரத்தில் பிரசித்தி பெற்ற தில்லை காளியம்மன் கோவில் அமைந்துள்ளது. இந்த கோவிலில் உள்ள 5 உண்டியல்கள் நேற்று இந்து சமய அறநிலைத்துறை கடலூர் உதவி ஆணையர் சந்திரன் தலைமையில், கோவில் செயல் அலுவலர் ச. சரண்யா, ஆய்வாளர் நரசிங்க பெருமாள் ஆகியோர் முன்னிலையில் திறக்கப்பட்டது. தொடர்ந்து, அதில் இருந்த காணிக்கைகள் எண்ணப்பட்டன. இதில் 9 லட்சத்து 43 ஆயிரத்து 130 ரூபாயை பக்தர்கள் காணிக்கையாக செலுத்தி இருந்தனர். மேலும் உண்டியலில் 17 கிராம் தங்கம், 221கிராம் வெள்ளி மற்றும் அமெரிக்க டாலர் 1, சிங்கப்பூர் டாலர் 1, கன்னடா டாலர் 1, ஆகியவையும் இருந்தது தெரியவந்தது.