மாணவர்களுக்கு பரிசளிப்பு விழா

கடையநல்லூர்:

கடையநல்லூர் சிராஜூல் மில்லத் அறக்கட்டளை சார்பில், 10, 12-ம் வகுப்பு தேர்வுகளில் அதிக மதிப்பெண் பெற்று முதல் மூன்று இடங்களை பிடித்த கடையநல்லூர் நகரில் உள்ள 11 கல்விக்கூடங்களில் உள்ள 72 மாணவ- மாணவிகளுக்கு பரிசளிப்பு விழா நடந்தது. ஜபருல்லாகான் தலைமை தாங்கினார். மாவட்ட கல்வி அதிகாரி (இடைநிலை) ராஜேஸ்வரி அதிக மதிப்பெண்கள் பெற்ற மாணவ-மாணவிகளுக்கு பரிசு மற்றும் விருது வழங்கினார். வரலாற்று எழுத்தாளர் சேயன் இப்ராஹிம், தென்காசி மாவட்ட அரசு ஹாஜி முகைதீன் அன்சாரி ஹஜரத், மாவட்ட முஸ்லிம் லீக் தலைவர் செய்யது சுலைமான், பொருளாளர் இப்ராஹிம், இக்பால், ஆடிட்டர் உஸ்மான்அலி, டாக்டர் சஞ்சீவி உள்ளிட்டவர்கள் வாழ்த்தி பேசினர். ஹாஜா மைதீன், முஹம்மது கோயா, ரஹ்மத்துல்லா உள்பட பலர் கலந்து கொண்டனர்.