லாரி மீது ஆட்டோ மோதல்; முதியவர் பலி

விருத்தாசலம், 

வேப்பூர் மெயின்ரோடு பகுதியை சேர்ந்தவர் ராஜேந்திரன்(வயது 60). இவர் நேற்று அதிகாலை தனது மகன் பசுபதியுடன் வேப்பூர் விருத்தாசலம் சாலையில் ஆட்டோவில் சென்றார். ஆட்டோவை பசுபதி ஓட்டினார். விருத்தாசலம் அடுத்த கோ.மங்கலம் பகுதியில் சென்றபோது, முன்னால் சென்ற லாரி திடீரென பிரேக் பிடித்து நின்றது. இதன்காரணமாக, பின்னால் சென்ற ஆட்டோ, லாரி மீது மோதியது. இதில், ராஜேந்திரன் சம்பவ இடத்திலேயே இறந்தார். பலத்த காயமடைந்த பசுபதி, விருத்தாசலம் அரசு மருத்துவமனையில் சிகிச்சை பெற்று வருகிறார். இதுகுறித்த புகாரின் பேரில், விருத்தாசலம் போலீசார் வழக்குப்பதிவு செய்து விசாரணை நடத்தி வருகின்றனர்.