கஞ்சா விற்ற வாலிபர் கைது

தேனி போதைப்பொருள் நுண்ணறிவு பிரிவு போலீஸ் சிறப்பு சப்-இன்ஸ்பெக்டர் ராஜா தலைமையிலான போலீசார், பொம்மையகவுண்டன்பட்டி சாலை பிள்ளையார் கோவில் அருகில் ரோந்து சென்றனர். அப்போது அங்கு சந்தேகப்படும் வகையில் நின்று கொண்டிருந்த வாலிபரை பிடித்து அவர் வைத்திருந்த பையை சோதனையிட்டனர்.

அதில், 1 கிலோ 500 கிராம் கஞ்சா இருந்தது. அவற்றை போலீசார் பறிமுதல் செய்தனர். விசாரணையில் அவர், அதே பகுதியை சேர்ந்த பாண்டி மகன் பூனை என்ற புவனேஸ்வரன் (வயது 23) என்பது தெரியவந்தது. இதையடுத்து போலீசார் வழக்குப்பதிவு செய்து புவனேஸ்வரனை கைது செய்தனர்.