செங்கோட்டை வடக்குத்தி அம்மன் கோவில் விழாவில் அன்னதானம்

வாசுதேவநல்லூர்:

செங்கோட்டை காமாட்சி அம்மன் கோவில் தெருவில் உள்ள வடக்குத்தி அம்மன் கோவில் திருவிழாவை முன்னிட்டு டாக்டர் எஸ்.அய்யாத்துரை பாண்டியன் பேரவை சார்பில் சிறப்பு அன்னதானம் நடைபெற்றது. ஏ.வி.கே. கல்விக்குழும தலைவர் எஸ்.அய்யாத்துரை பாண்டியன் அன்னதானத்தை தொடங்கி வைத்தார்.

முன்னதாக அவருக்கு இல்லத்து பிள்ளைமார் சமுதாய நாட்டாமைகள், பொதுமக்கள் வரவேற்பு அளித்தனர். நிகழ்ச்சியில் குமரேச ராஜா, ஊத்துமலை ஜமீன், பேரவை தலைவர் பழனிச்சாமி, துணைத்தலைவர் காளிதாஸ், செயலாளர் சரவணபாபு, பொருளாளர் மணிகண்டன் மற்றும் பொதுமக்கள் திரளாக கலந்து கொண்டனர்.