மதுவிற்ற முதியவர் கைது

அரியலூர் மாவட்டம் மீன்சுருட்டி சப்-இன்ஸ்பெக்டர் பாண்டியன் தலைமையிலான போலீசார் நேற்று ரோந்து பணியில் ஈடுபட்டு இருந்தனர். அப்போது மீன்சுருட்டி அருகே உள்ள காடுவெட்டி வடக்கு தெருவை சேர்ந்த ராமலிங்கம் (வயது 72) என்பவர் தனது டீக்கடையின் பின்புறம் மது விற்பனை செய்தது தெரியவந்தது. இதையடுத்து அவரை போலீசார் கைது செய்தனர். மேலும் விற்பனைக்காக வைத்திருந்த 7 மதுபாட்டில்கள் பறிமுதல் செய்யப்பட்டன.