நெல் மூட்டைகளை ஏற்றி வந்த லாரி உரசியதில் மின்கம்பம் சேதம்

பாவூர்சத்திரம்:

உசிலம்பட்டியில் இருந்து நெல் மூட்டைகளை ஏற்றி கொண்டு லாரி ஒன்று பாவூர்சத்திரம் அருகே கீழப்பாவூரில் உள்ள அரிசி ஆலை ஒன்றுக்கு வந்து கொண்டிருந்தது. சுரண்டை வழியாக வந்த இந்த லாரி கீழப்பாவூர் ஊருக்குள் வந்த போது, நெல் மூட்டைகள் சற்று சரிந்த நிலையில், சாலையின் அருகே இருந்த ஒரு மின் கம்பத்தில் உரசியது. இதில் மின் கம்பம் உடைந்து சேதமானது.

இதுகுறித்து மின்வாரியத்திற்கு தகவல் தெரிவிக்கப்பட்டது. மின் ஊழியர்கள் விரைந்து வந்து மின் ஒயர்களை துண்டித்து லாரியை அப்புறப்படுத்தினர். மேலும் பாவூர்சத்திரம் போலீசார் வந்து போக்குவரத்தை சரிசெய்தனர். இந்த சம்பவத்தால் அந்த பகுதியில் சுமார் 2 மணி நேரம் போக்குவரத்து பாதிப்பு ஏற்பட்டது.