கோவில் கொடை விழாவில் அம்மன் வீதி உலா

செங்கோட்டை:

செங்கோட்டை கண்ணாட்சி முப்பிடாதி அம்மன் கோவில் கொடை விழா நேற்று நடந்தது. முன்னதாக 28-ந் தேதி கும்பாபிஷேகம், மகாதீபாராதனை முழுக்காப்பு தரிசனம், சிம்ம வாகனத்தில் அம்பாள் வீதி உலா நடந்தது. நேற்று முன்தினம் மாலையில் குடியழைப்பு, நேற்று மதியம் 12 மணிக்கு உச்சிக்கால பூஜை, 2 மணிக்கு பொங்கலிடுதல், 5 மணிக்கு முளைப்பாரி எடுத்தல், அக்கினி சட்டி எடுத்தல், குற்றாலம் தீர்த்தம் கொண்டு வருதல், இரவு 12 மணிக்கு கொடை விழா நடந்தது. விழாவில் திரளான பக்தர்கள் கலந்துகொண்டனர்.