அம்பேத்கர் சிலை 9-ந் தேதி திறப்பு -அமைச்சர் மூர்த்தி, திருமாவளவன் பெருங்குடி பகுதியில் ஆய்வு

மதுரை விமான நிலையம் செல்லும் சாலையான பெருங்குடி பகுதியில் அம்பேத்கரின் வெண்கல சிலை அமைக்கப்பட்டுள்ளது. இந்த சிலையினை அடுத்த மாதம் 9-ந் தேதி முதல்-அமைச்சர் மு.க.ஸ்டாலின் திறந்து வைப்பதாக கூறப்படுகிறது. இந்தநிலையில் சிலை அமைந்துள்ள இடத்தினை அமைச்சர் மூர்த்தி மற்றும் விடுதலைசிறுத்தை கட்சி தலைவர் தொல்.திருமாவளவன் நேற்று பார்வையிட்டு ஆய்வு மேற்கொண்டனர். மேலும், முதல்-அமைச்சர் கலந்து கொண்டால் மேடை அமைப்பது, போக்குவரத்து மாற்றம் குறித்து போலீஸ் அதிகாரிகளுடன் அவர்கள் ஆலோசனை மேற்கொண்டனர்.