முன்னாள் மாணவர்கள் சந்திப்பு

வடக்கன்குளம்:

பழவூர் அரசு மேல்நிலைப்பள்ளியில் 1988-89 ம் கல்வியாண்டில் எஸ்.எஸ்.எல்.சி. படித்த முன்னாள் மாணவ-மாணவியர் 60 பேர், 34 ஆண்டுகளுக்கு பிறகு மீண்டும் சந்திக்கும் நிகழ்ச்சி நடைபெற்றது. முன்னாள் மாணவரும், சென்னை தொழில் அதிபருமான சுரேஷ்குமார் சிறப்புரை ஆற்றினார். முன்னாள் மாணவர் அறிவழகன் வரவேற்றார். முன்னாள் மாணவ-மாணவியர் தங்களது பள்ளி கால நிகழ்வுகளை பகிர்ந்து கொண்டனர். முன்னாள் மாணவர்கள் தங்களுக்கு பயிற்றுவித்த பணி நிறைவு பெற்ற ஆசிரியர்கள் பார்வதிநாதன், பெருமாள், நாகராஜன், யோபுஅமலன், உமாகல்யாணி, ஜேசுராஜ், வெல்லிங்டன், விஜயலெட்சுமி, பெல்சியாள் ஆகியோரை கவுரவித்து நினைவு பரிசு வழங்கினர். முன்னாள் மாணவர்கள் ரெங்கநாதன், முத்துராமன் நிகழ்ச்சியை தொகுத்து வழங்கினர். முன்னாள் மாணவர் நடராஜன் நன்றியுரை ஆற்றினார். ஏற்பாடுகளை முன்னாள் மாணவர்கள் செய்திருந்தனர்.