முன்னாள் மாணவர்கள் சந்திப்பு

பணகுடி:

பணகுடி புனித அன்னாள் மெட்ரிக் மேல்நிலைப்பள்ளியில் முன்னாள் மாணவர்கள் சந்திப்பு கூட்டம் நடந்தது. முன்னாள் மாணவர் சங்க தலைவர் டொனால்டு எட்கர் தலைமை தாங்கினார். முன்னாள் மாணவர் மார்சிலின் ஜோ இறைவணக்கம் பாடினார். பள்ளி முதல்வர் அருட்சகோதரி பவுலின் வரவேற்று பேசினார். முன்னாள் மாணவர்கள் தங்களது பசுமையான நினைவுகளை பகிர்ந்து கொண்டனர். தொடர்ந்து கலைநிகழ்ச்சி நடைபெற்றது. முன்னாள் மாணவர்களுக்கு நினைவு பரிசு வழங்கப்பட்டது. குலுக்கல் முறையில் தேர்ந்தெடுக்கப்பட்டவர்களுக்கு பரிசுகள் வழங்கப்பட்டன.

முன்னாள் மாணவர் சங்க புதிய நிர்வாகிகள் தேர்வு நடந்தது. இயக்குனராக அருட்சகோதரி பவுலின் அகஸ்டின், தலைவராக டொனால்டு எட்கர், துணை தலைவராக டோனி, செயலாளராக ஜெயராம் அசோகன், இணை செயலாளர்களாக கார்வேந்தன் அழகையா, வைஷ்ணவி, பொருளாளராக பெவின் டேனியல் ஆகியோர் தேர்வு செய்யப்பட்டனர். ஜெயராம் அசோகன் நன்றி கூறினார்.