அரசு கலை, அறிவியல் கல்லூரியில் மாணவர்கள் சேர்க்கை

கடையநல்லூர்:

கடையநல்லூர் அரசு கலை மற்றும் அறிவியல் கல்லூரியில் மாணவர்கள் சேர்க்கை நடந்து வருகிறது. பி.ஏ. தமிழ், ஆங்கிலம், பி.பி.ஏ., பி.காம்., பி.எஸ்சி. கணினி அறிவியல், கணிதவியல் பாடப்பிரிவுகளில் சேர விரும்பும் மாணவ-மாணவிகள் https://www.tngasa.in/அல்லது https://www.tngasa.org/என்ற இணைய தளங்கள் மூலம் விண்ணப்பங்களை பதிவு செய்யலாம். இணையவழி மூலமாக விண்ணப்பிக்க இயலாத மாணவர்களுக்கு கல்லூரி கல்வி இயக்குனகரத்தின் வழிகாட்டுதல்படி கல்லூரியில் சேவை மையம் ஏற்பாடு செய்யப்பட்டுள்ளது. விண்ணப்பக் கட்டணம் ரூ.48, பதிவுக் கட்டணம் ரூ.2, எஸ்.சி., எஸ்.டி. பிரிவினருக்கு விண்ணப்ப கட்டணம் கிடையாது. பதிவுக் கட்டணம் ரூ.2 மட்டும் செலுத்தினால் போதும். விண்ணப்பம் பதிவு செய்ய கடைசி நாள் வருகிற 19-ந் தேதி ஆகும். இதுகுறித்து மேலும் விவரங்களுக்கு 04633- 295040, 8883446196, 9688384661, 96295 72959 ஆகிய எண்களை தொடர்பு கொள்ளலாம்.

இந்த தகவலை கடையநல்லூர் அரசு கல்லூரி முதல்வர் ரா.குமரன் தெரிவித்து உள்ளார்.