கூடுதலாக பஸ்கள் இயக்க பயணிகள் கோரிக்கை

ஊட்டி, 

ஓணம் பண்டிகையை முன்னிட்டு ஊட்டியில் இருந்து பாலக்காடு, கோவை, திருப்பூர் செல்வதற்காக ஊட்டி மத்திய பஸ் நிலையத்துக்கு ஏராளமானோர் நேற்று முன்தினம் இரவு வந்தனர். ஆனால், ஊட்டியில் இருந்து மேட்டுப்பாளையம், கோவைக்கு குறைவான பஸ்கள் இயக்கப்பட்டது. இதனால் பயணிகள் பஸ்சுக்காக நீண்ட நேரம் காத்திருந்தனர். இதன் காரணமாக அவர்கள் அவதியடைந்தனர். மேலும் அரசு பஸ்களில் பயணிகள் கூட்டம் அலைமோதியது. அவர்கள் பஸ் வந்ததும் முண்டியடித்து ஏறினர். எனவே, பண்டிகை, வார விடுமுறை மற்றும் விசேஷ நாட்களில் ஊட்டியில் இருந்து கோவைக்கு கூடுதலாக பஸ்கள் இயக்க நடவடிக்கை எடுக்க வேண்டும் என்று பயணிகள் கோரிக்கை விடுத்து உள்ளனர்.