பர்கூர் அருகே கார் மோதி தொழிலாளி சாவு

பர்கூர்:

பர்கூர் சின்ன மல்லப்பாடியை சேர்ந்தவர் கோவிந்தராஜ் (வயது 65). கூலித் தொழிலாளி. இவர் சென்னை-கிருஷ்ணகிரி சாலையில் மேல்கொட்டாய் அருகில் நடந்து சென்று கொண்டிருந்தார். அப்போது அந்த வழியாக வந்த கார் அவர் மீது மோதியது. இதில் பலத்த காயமடைந்த கோவிந்தராஜை அருகில் இருந்தவர்கள் மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி கோவிந்தராஜ் இறந்தார். இதுகுறித்து பர்கூர் போலீசார் வழக்குப்பதிவு செய்து விசாரணை நடத்தி வருகிறார்கள்.