மயிலாடுதுறை மாவட்டம் திருக்கடையூரில் தருமபுரம் ஆதீனத்திற்கு சொந்தமான அபிராமி உடனாகிய அமிர்தகடேஸ்வரர் கோவில் உள்ளது. பல்வேறு சிறப்புகளை கொண்ட இக்கோ விலில் ஆண்டுதோறும் 10 நாட்கள் ஆடிப்பூர திருவிழா நடைபெறுவது வழக்கம். இந்த ஆண்டு ஆடிப்பூர திருவிழா கடந்த 13-ந் தேதி கொடியேற்றத்துடன் தொடங்கியது. விழாவையொட்டி சாமி வீதி உலா உள்பட பல்வேறு நிகழ்ச்சிகள் நடந்து வருகின்றன. இதில் நேற்று முன்தினம் யாளி வாகனத்தில் அபிராமி அம்மன் சிறப்பு அலங்காரத்துடன் வீதி உலா வரும் நிகழ்ச்சி நடந்தது. அப்போது கோவிலை சுற்றி உள்ள 4 வீதிகளில் உலா வந்த அபிராமி அம்மனை திரளான பக்தர்கள் தரிசனம் செய்தனர். இதற்கான ஏற்பாடுகளை கோவில் கண்காணிப்பாளர் மணி, உள்துறை கண்காணிப்பாளர் விருத்தகிரி, கணேச குருக்கள் ஆகியோர் செய்து இருந்தனர்.