கத்தியை காட்டி கொலை மிரட்டல் விடுத்த வாலிபர் கைது

தூத்துக்குடி ஊரக உட்கோட்ட துணை போலீஸ் சூப்பிரண்டு (பொறுப்பு) சம்பத் மேற்பார்வையில் சிப்காட் போலீஸ் இன்ஸ்பெக்டர் சண்முகம் தலைமையில் சப்-இன்ஸ்பெக்டர் சங்கர் மற்றும் போலீசார் நேற்று ரோந்து பணியில் ஈடுபட்டனர். அப்போது 3-வது மைல் பகுதியில் சந்தேகப்படும்படியாக நின்று கொண்டிருந்தவரை பிடித்து விசாரணை நடத்தினர்.

விசாரணையில், அவர் தூத்துக்குடி ஆசிரியர் காலனி பகுதியை சேர்ந்த துரைசிங் மகன் செல்லையா (எ) திருமணி சிங் (வயது 31) என்பதும், அவர் அப்பகுதியில் வந்து கொண்டிருந்த ஒருவரை வழிமறித்து பணம் கேட்டு தகராறு செய்துடன் கத்தியை காட்டி கொலை மிரட்டல் விடுத்ததும் தெரியவந்தது. உடனே போலீசார் செல்லையாவை கைது செய்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.