ரூ.20 லட்சத்தில் புதிய பள்ளி கட்டிடத்திற்கு அடிக்கல் நாட்டு விழா

கடையம்:

கடையம் அருகே உள்ள பாப்பான்குளத்தில் ஊராட்சி ஒன்றிய நடுநிலைப்பள்ளியில் பழமையான கட்டிடங்கள் இடிக்கப்பட்டன. தொடர்ந்து புதிய பள்ளி கட்டிடம் கட்டுவதற்கு ஆலங்குளம் சட்டமன்ற உறுப்பினர் மனோஜ் பாண்டியன் தனது தொகுதி நிதியில் இருந்து ரூ.20 லட்சம் ஒதுக்கினார். இதையடுத்து புதிய பள்ளி கட்டிடத்திற்கு அடிக்கல் நாட்டு விழா நடந்தது. மனோஜ் பாண்டியன் எம்.எல்.ஏ. கலந்து கொண்டு, அடிக்கல் நாட்டினார்.

நிகழ்ச்சியில் மாநில அமைப்பு செயலாளர் ராதா, மாவட்ட செயலாளர் கணபதி, ஒன்றிய செயலாளர் ராஜவேல், பள்ளி தலைமை ஆசிரியர் ஜெயந்தி, ஆசிரியர்கள் மீரா பானு, ஜெசிந்தா, கல்யாணி, சுசீலா, செந்தில்குமார், பள்ளி மேலாண்மை குழு உறுப்பினர் கன்னித்தாய் உள்பட பலர் கலந்து கொண்டனர்.