கோவில் விழாவில் பெண்களிடம் நகை பறித்த கும்பல்

சுரண்டை:

சுரண்டையில் கடந்த 10-ந்தேதி அழகு பார்வதி அம்மன் கோவில் தேர் திருவிழா நடந்தது. அப்போது கூட்ட நெரிசலில், சுரண்டை கோட்டை தெருவை சேர்ந்த சிவன்பாண்டி மனைவி காளியம்மாளிடம் (வயது 75) 3 பவுன் தங்க சங்கிலி, வீரகேரளம்புதூரைச் சேர்ந்த முத்துராமன் மகள் நவநிதாவிடம் (4) 3¼ பவுன் தங்க சங்கிலி, புளியங்குடி வேலு முதலியார் மனைவி சுப்பம்மாளிடம் (70) 6 பவுன் தங்க சங்கிலி, சுரண்டை அழகாபுரிபட்டணம் பகுதியை சேர்ந்த பரமசிவன் மகள் அபிமாஸ்ரீயிடம் 1½ பவுன் தங்க சங்கிலியை மர்ம நபர்கள் நைசாக பறித்து சென்று விட்டனர்.

இது குறித்து சுரண்டை போலீஸ் நிலையத்தில் தனித்தனியாக அளிக்கப்பட்ட புகார்களின் பேரில், போலீசார் வழக்குப்பதிவு செய்து, நகை பறித்த மர்ம நபர்களை வலைவீசி தேடி வருகின்றனர்.