கோத்தகிரி,
கோத்தகிரி பகுதியில் கடந்த சில வாரங்களாக அவ்வப்போது பலத்த மழை பெய்து வருகிறது. இந்தநிலையில் நேற்று முன்தினம் இரவு முதல் நேற்று காலை வரை பலத்த மழை பெய்தது. நேற்று லேசான சாரல் மழை பெய்து கொண்டிருந்ததால், பள்ளிக்கு செல்லும் மாணவ-மாணவிகள் மழையில் நனைந்தபடி சென்றனர். மழையின் காரணமாக குளிர்ச்சியான சீதோஷ்ண காலநிலை நிலவியது. இருப்பினும் பொதுமக்களின் இயல்பு வாழ்க்கை பாதிக்கப்பட்டது. நேற்று காலை 8 மணி நிலவரப்படி, கோத்தகிரியில் அதிகபட்சமாக 51 மில்லி மீட்டர் மழை பதிவாகி இருந்தது. கோடநாட்டில் 46 மில்லி மீட்டர், கீழ் கோத்தகிரியில் 26 மில்லி மீட்டர் மழை பதிவாகி இருந்தது. தொடர் மழையால் பொதுமக்களின் இயல்பு வாழ்க்கை பாதிக்கப்பட்டது.