ரூ.45 லட்சத்தில் சாலை-வாறுகால் அமைக்கும் பணி தொடக்கம்

கோவில்பட்டி:

கோவில்பட்டி நகரசபை பகுதிகளில் கலைஞர் நகர்ப்புற மேம்பாட்டு நிதி 2023- 24 ஆண்டுக்கு ரூ.45 லட்சம் ஒதுக்கீட்டில் 17 இடங்களில் சாலை மற்றும் வாறுகால் அமைக்கும் பணி நேற்று தொடங்கியது. வீரவாஞ்சி நகர் 9-வது தெருவில் சாலை அமைக்கும் பணியை நகரசபை தலைவரும், நகர தி.மு.க. செயலாளருமான கருணாநிதி தொடங்கி வைத்தார். நிகழ்ச்சியில் நகரசபை பொறியாளர் சண்முகநாதன் உள்பட நகரசபை கவுன்சிலர்கள் மற்றும் அப்பகுதியை சேர்ந்த பொதுமக்கள் கலந்துகொண்டனர்.