சிறுவர்கள் உள்பட 3 பேர் கைது

நெல்லை வண்ணார்பேட்டை திருகுறிப்பு தொண்டர் தெருவை சேர்ந்தவர் லட்சுமணன் மகன் ஹரிராம சுப்பிரமணியன் (வயது 26). தொழிலாளியான இவர் நேற்று முன்தினம் புதிய பஸ்நிலையம் அருகே பழக்கடையில் பழம் வாங்கிகொண்டு இருந்தார். அப்போது அங்கு வந்த 3 பேர் ஹரிராம சுப்பிரமணியனிடம் ரூ.500-யை பறித்துச்சென்றனர். இதுகுறித்து அவர் பாளையங்கோட்டை போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வந்தனர்.

இந்த நிலையில் பணம் பறிப்பில் ஈடுபட்டது கங்கைகொண்டான் மறக்குடி அணைதலையூரை சேர்ந்த சுடலைமுத்து மகன் சூர்யா (30) மற்றும் 2 சிறுவர்கள் என்பது தெரியவந்தது. அவர்களை போலீஸ் சப்-இன்ஸ்பெக்டா் கருப்பசாமி கைது செய்தார்.