மேட்டூர் அணைக்கு நீர்வரத்து குறைந்தது

சேலம்,

காவிரியின் நீர்ப்பிடிப்பு பகுதிகளில் பெய்த தொடர் மழையின் காரணமாக மேட்டூர் அணைக்கு கடந்த சில நாட்களாக நீர்வரத்து அதிகரித்து வந்தது. கடந்த 13ஆம் தேதி மேட்டூர் அணையின் நீர்வரத்து வினாடிக்கு 27 ஆயிரம் கன அடியாக அதிகரித்ததை தொடர்ந்து நடப்பாண்டில் 2வது முறையாக மேட்டூர் அணை நீர்மட்டம் 100 அடியை எட்டியது.

இந்நிலையில் இன்றைய நிலவரப்படி மேட்டூர் அணைக்கு நீர்வரத்து வினாடிக்கு 10,318 கனஅடியில் இருந்து 8,160 கனஅடியாக குறைந்துள்ளது. மேட்டூர் அணையின் நீர்மட்டம் 98.46 அடியாகவும், நீர் இருப்பு 62.8 டி.எம்.சி.யாகவும் உள்ளது. அணையில் இருந்து டெல்டா பாசனத்துக்கு வினாடிக்கு 18,000 கனஅடி நீர் திறக்கப்பட்டுள்ளது. கிழக்கு மற்றும் மேற்கு கால்வாய்க்கு வினாடிக்கு 900 கனஅடி நீர் திறக்கப்படுகிறது.