தி.மு.க. வேட்பாளருக்கு ஆதரவாக இருகூர் பகுதி சந்தையில் வாக்கு சேகரித்த ஸ்டாலின்

கோவை,

தமிழகத்தில் கடந்த ஏப்ரல் 18ந்தேதி நாடாளுமன்ற தேர்தல் மற்றும் சட்டசபை இடைத்தேர்தல் ஆகியவற்றுக்கான வாக்கு பதிவு நடந்து முடிந்தது.  இதனை தொடர்ந்து 4 சட்டசபை தொகுதிகளுக்கான இடைத்தேர்தல் வருகிற 19ந்தேதி நடைபெறுகிறது.  இதற்கான வாக்கு சேகரிப்பில் அரசியல் கட்சிகள் ஈடுபட்டு வருகின்றன.

இந்த நிலையில், தி.மு.க. தலைவர் மு.க. ஸ்டாலின் கோவையில் சூலூர் தொகுதிக்குட்பட்ட இருகூர் பகுதி சந்தையில் காலையில் நடைபயணமாக சென்றார்.  அங்கு கடைகளுக்கு வரும் வாடிக்கையாளர்கள், தொண்டர்கள் மற்றும் பொதுமக்களிடம் தி.மு.க. வேட்பாளர் பொங்கலூர் பழனிசாமிக்கு ஆதரவாக வாக்கு சேகரிக்கும் பணியில் ஈடுபட்டார்.