இலுப்பூர் அருகே மலைக்குடிப்பட்டி டாஸ்மாக் கடையின் அருகே மது விற்பதாக பல்வேறு புகார்கள் வந்தது. இதையடுத்து, மாவட்ட போலீஸ் சூப்பிரண்டு வந்திதா பாண்டே உத்தரவின் பேரில், தனிப்படை சப்-இன்ஸ்பெக்டர் பாலமுருகன் தலைமையிலான போலீசார் டாஸ்மாக் கடை பகுதியில் அதிரடி சோதனை நடத்தினர். அப்போது அங்கு மதுபாட்டில்களை விற்பனை செய்து கொண்டிருந்த சீத்தப்பட்டி பகுதியை சேர்ந்த சிங்கமுத்து (வயது 65), மலைக்குடிப்பட்டியை சேர்ந்த பொன்னுசாமி (60) ஆகிய 2 பேரை கைது செய்தனர். மேலும் அவர்களிடமிருந்து 26 மது பாட்டில்கள், ரூ.3 ஆயிரத்து 450-ஐ போலீசார் பறிமுதல் செய்தனர்.