ஒயர் திருடிய 2 பேர் கைது

நெல்லை அருகே திருப்பணிகரிசல்குளத்தில் இருந்து வடுகன்பட்டி செல்லும் சாலையில் தனியார் கம்பெனி அமைந்துள்ளது. இங்கு காப்பர் ஒயர் திருட்டு போனது.

இதுகுறித்த புகாரின்பேரில், சீதபற்பநல்லூர் போலீசார் வழக்குப்பதிவு செய்து விசாரணை நடத்தினர். இதுதொடர்பாக சங்கன்திரடு தெற்கு தெருவை சேர்ந்த சுரேஷ் (வயது 21) மற்றும் 18 வயது வாலிபரை போலீசார் நேற்று கைது செய்து, ஒயரை மீட்டனர்.