விக்கிரமங்கலம்:
அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் லோகநாதன் மற்றும் போலீசார் முனியங்குறிச்சி பகுதியில் ரோந்து பணியில் ஈடுபட்டனர். அப்போது மது விற்கப்படுவதாக கிடைத்த ரகசிய தகவலின்படி முனியங்குறிச்சி வடக்கு தெருவை சேர்ந்த முனியப்பன்(வயது 60) மற்றும் செட்டித்திருக்கோணம் நடுத்தெருவை சேர்ந்த ரமேஷ்(41) ஆகியோர் வீடுகளில் சோதனை செய்தனர். அப்போது 2 பேர் வீடுகளில் இருந்தும் விற்பனை செய்வதற்காக மறைத்து வைக்கப்பட்டிருந்த மதுபாட்டில்களை பறிமுதல் செய்தனர். மேலும் இது குறித்து வழக்குப்பதிவு செய்து முனியப்பன் மற்றும் ரமேஷ் ஆகியோரை கைது செய்து, விசாரணை நடத்தி வருகின்றனர்.