தலைமறைவாக இருந்த 2 பேர் கைது

நெல்லை மாவட்டம் வீரவநல்லூர் காந்திநகரை சேர்ந்தவர் வெங்கடேஷ் (வயது 39). இவரை வீரவநல்லூர் போலீசார் திருட்டு வழக்கில் கடந்த 2018-ம் ஆண்டு கைது செய்தனர். ஜாமீனில் வெளியே வந்த அவர் கடந்த 2 மாதங்களாக கோர்ட்டு விசாரணைக்கு ஆஜராகாமல் தலைமறைவாக இருந்து வந்தார். இதனால் அவருக்கு கோர்ட்டு பிடியாணை பிறப்பித்தது. இந்த நிலையில் வீரவநல்லூர் போலீசார் நேற்று வெங்கடேசை கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.

நெல்லை கங்கைகொண்டான் போலீஸ் நிலைய பகுதியில் கடந்த 2022-ஆண்டு அடிதடி வழக்கில் சம்பந்தப்பட்ட இத்திகுளம் பெருமாள் கோவில் தெருவை சேர்ந்த பிச்சையா (39) என்பவர் கைது செய்யப்பட்டு ஜாமீனில் வெளியே வந்தார். பின்னர் நீதிமன்ற விசாரணைக்கு கடந்த 7 மாதமாக ஆஜராகாமல் தலைமறைவாக இருந்து வந்தார். இதனால் அவருக்கு நெல்லை மாவட்ட நீதிமன்றத்தில் பிடியாணை பிறப்பிக்கப்பட்டிருந்தது. இதையடுத்து பிச்சையாவை நேற்று கங்கைகொண்டான் போலீசார் கைது செய்து பிடியாணை நிறைவேற்றி நீதிமன்றத்தில் ஆஜர்படுத்தினர்.