தண்டவாளத்தின் மோசமான நிலை: 'வந்தேபாரத்' ரெயில்கள் மணிக்கு 83 கி.மீ. வேகத்தில் ஓட்டம் - ரெயில்வே

புதுடெல்லி,

மத்தியபிரதேசத்தை சேர்ந்த சந்திரசேகர் கவுர் என்பவர் தகவல் அறியும் உரிமை சட்டத்தின்கீழ், வந்தே பாரத் ரெயில்களின் வேகம் குறித்து ஒரு கேள்வி கேட்டிருந்தார். அதற்கு ரெயில்வே அதிகாரிகள் பதில் அளித்துள்ளனர்.

அவர்கள் கூறியிருப்பதாவது:-

வந்தே பாரத் ரெயில்கள், மணிக்கு 180 கி.மீ. வேகத்தில் ஓடும் வகையில் உருவாக்கப்பட்டவை. அவற்றின் அனுமதிக்கப்பட்ட அதிகபட்ச வேகம், மணிக்கு 130 கி.மீ. ஆகும்.

இருப்பினும், கடந்த 2 ஆண்டுகளாக வந்தே பாரத் ரெயில்களின் சராசரி வேகம் மணிக்கு 83 கி.மீ. ஆக உள்ளது. இதற்கு தண்டவாளத்தின் மோசமான நிலைதான் காரணம். டெல்லி-வாரணாசி வந்தே பாரத் ரெயில் மட்டும் 95 கி.மீ. சராசரி வேகத்தை எட்டியது என்று அவர்கள் கூறியுள்ளனர்.