பா.ஜனதா ஆட்சியிலிருந்து சென்றுவிடும் என்பது தெளிவாக தெரிகிறது - பிரியங்கா காந்தி

இந்திய நாடாளுமன்றத்துக்கு 7 கட்ட தேர்தல் அறிவிக்கப்பட்டு, 5 கட்ட தேர்தல்கள் நடந்து முடிந்து உள்ளன. இன்று 6வது கட்ட தேர்தல், 7 மாநிலங்களில் உள்ள 59 தொகுதிகளில் நடக்கிறது. காங்கிரஸ் கட்சியின் உத்தரபிரதேச மாநில கிழக்கு பிராந்திய பொதுச்செயலாளர் பிரியங்கா காந்தி டெல்லியில் வாக்களித்தார். பின்னர் செய்தியாளர்களிடம் பேசுகையில்,  பா.ஜனதா ஆட்சியிலிருந்து சென்றுவிடும் என்பது தெளிவாக தெரிகிறது  எனக் குறிப்பிட்டார். 

மத்தியில் உள்ள பா.ஜனதா அரசின் மீது மக்களிடம் திருப்தியும் இல்லை, மகிழ்ச்சியும் இல்லை, கோபம்தான் உள்ளது. குறிப்பாக உத்தரபிரதேச மாநில மக்களிடமும் திருப்தி கிடையாது. மக்கள் தங்களுடைய கோபத்தை வாக்களிப்பில் காண்பித்து உள்ளார்கள். எனவே பா.ஜனதா ஆட்சியிலிருந்து அகலும் என்பது தெளிவாக தெரிகிறது. டெல்லியில் தேர்தலுக்கு பின்னர் வரும் முடிவுகள் மகிழ்ச்சியுள்ளதாக அமையும் என நம்புகிறேன் எனக் குறிப்பிட்டார்.