2019 பாராளுமன்ற தேர்தலில் எந்த மாதிரியான அலை வீசியது?-வீசும்? -சர்வே

புதுடெல்லி

2019  பாராளும்ன்ற தேர்தலில் இதுவரை 3 கட்ட தேர்தல்கள் முடிவடைந்து உள்ளன. இன்று 4-வது கட்ட தேர்தல் நடைபெற்று வருகிறது. இன்னும் சற்று நேரத்தில் அதுவும் முடிவடைந்து விடும். இந்த  நாடாளுமன்றத் தேர்தலில்  மோடிக்கு ஆதரவான அலையோ அல்லது எதிரான அலையோ வீசவில்லை. இந்த தேர்தலில் எந்த விதமான அலையும் இல்லை. இதற்கான காரணங்கள் உள்ளன.

முதல் ஆதாரம் வாக்குப்பதிவு -2014 தேர்தல் ஒப்பிடும்போது, அதே தொகுதிகள் முதல் மூன்று சுற்றுகளில் மிதமான அல்லது குறைந்த வாக்குப்பதிவே காணப்படுகின்றன.

முதல்கட்ட வாக்குப்பதிவில் ஒட்டுமொத்த வாக்குப்பதிவு  69.5% ஆக இருந்தது, கடந்த லோக்சபா தேர்தலைவிட அது 1.5% அதிகமாக இருந்தது. இரண்டாவது கட்டமாக 69.4% வாக்குகள் பதிவாகி இருந்தது. இது 2014-ஆம் ஆண்டு வாக்குப்பதிவை விட அதிகமாகவோ அல்லது குறைவாகவோ இருந்தது. மூன்றாவது கட்ட வாக்குப்பதிவு  67.8% இருந்தது. இது 2014 தேர்தலைவிட 1.8% அதிகமாக இருந்தது.

ஒரு அலை உள்ள தேர்தலில் பொதுவாக அதிக வாக்குப்பதிவு இருக்கும். 1977 ஆம் ஆண்டில் முந்தைய லோக்சபா தேர்தலுடன் (1971) ஒப்பிடுகையில் 5% அதிகரித்திருந்தது. இதேபோல் 1980 லோக்சபா தேர்தலுடன் ஒப்பிடும்போது, 1984-ல் வாக்குப்பதிவு 8% உயர்ந்துள்ளது. 2014 ஆம் ஆண்டின் மக்களவைத் தேர்தலில் 2009-ம் ஆண்டை ஒப்பிடும்போது 8% அதிகரித்திருந்தது.

2019 தேர்தலலில் முதல் மூன்றுகட்டங்களில் மொத்த வாக்குப்பதிவில் எந்த அதிக மாற்றமும் காணப்படவில்லை. இருப்பினும் சில தொகுதிகள் நிலை மாறுபட்டு இருக்கலாம்.

பாரதீய ஜனதாவை ஆதரிக்காதவர்கள் இந்த தேர்தலில் வாக்களிக்க அதிக ஆர்வம் காட்டவில்லை என  சிஎஸ்டிஎஸ் கருத்துக்கணிப்பு தெரிவித்து உள்ளது.

இது குறித்து அபிவிருத்தி சங்கங்களின் ஆய்வு மைய இயக்குனர் (சிஎஸ்டிஎஸ்) சஞ்சய் குமார்  கூறியதாவது:- 

மாநில கட்சிகள் சமூக ரீதியில் ஓரங்கட்டப்பட்ட சமூகங்களிடையே பெரும் ஆதரவை கொண்டு உள்ளன. தேர்தல் ஆரம்ப கட்டங்களில் எந்த அலைகளையும் நாங்கள் காணவில்லை. ஏனென்றால் தேர்தல் நடத்தப்படும் பல மாநிலங்கள்  மாநில கட்சிகளின்  கோட்டையாக இருந்தன.

பி.ஜே.பி வாக்காளர்கள் தேர்தல் தினத்தன்று வாக்களிப்பதற்கு மிகவும் ஆர்வம் காட்டினர். இது பிராந்தியக் கட்சிகளின் ஆதரவாளர்கள், குறைவாக இருந்தாலும்  தங்கள் கட்சியின் தேர்தல் வாய்ப்பைப் பொறுத்தவரை அவர்கள் எப்பொழுதும் போல் வாக்களித்தனர்.

2014 மோடியின் அலைக்காலங்களில் பிராந்தியக் கட்சிகளுக்கும் காங்கிரசிற்கும் வாக்களித்தவர்கள் 2019-ல் தங்கள் கட்சிகளுக்கு வாக்களித்திருக்க மாட்டார்கள். பாஜக வாக்காளர்களுக்கும் இது பொருந்தும். கட்சியின் விசுவாசமான ஆதரவாளர்கள் 2014-ம் ஆண்டைபோல்  2019-ம் ஆண்டு வாக்கில் வாக்களித்திருப்பர்.

இந்த சுற்றுகளில் தேர்தல் போட்டியின் இயல்பு காரணமாக முதல் மூன்று சுற்றுகளில் தேர்தல் அலை தோன்றவில்லை.

தமிழ்நாடு, கேரளா, ஆந்திரப் பிரதேசம் மற்றும்  தெலுங்கானா போன்ற மாநிலங்களில் பாஜக பிரதான அரசியல் கட்சியல்ல, பெரும்பாலும் பிராந்தியக் கட்சிகளுக்கு இடையிலான போட்டியே.

உத்தரபிரதேசம், பீகார், மகாராஷ்டிரா மற்றும் கர்நாடகா போன்ற முக்கிய மாநிலங்களில் பாஜக பிரதான வேட்பாளர்களாக உள்ளனர். ஆனால் பிராந்தியக் கட்சிகள் அதற்கு எதிராக ஒரு கூட்டணியை உருவாக்கி உள்ளன. இந்த கூட்டணிகள் பிஜேபிக்கு பல்வேறு விதமான சவால்களை  முன்வைத்தன.

பீகார் அல்லது மகாராஷ்டிராவைவிட பிராந்தியக் கட்சிகளின் கூட்டணிக் கட்சிகள் உத்தரபிரதேசத்தில் பாஜகவுக்கு சவாலாக உள்ளது. இந்த மாநிலங்களில் உள்ள வாக்குப்பதிவு புள்ளிவிவரங்கள் 2014 உடன் ஒப்பிடும்போது 2019-ம் ஆண்டில் அதிகமாகவோ அல்லது குறைவாகவோ நிலைமையைக் குறிக்கின்றன.

மேற்கு வங்கம் மற்றும் ஒடிசா போன்ற மாநிலங்களை பாஜக  நம்புவதாக  தெரிகிறது. ஆனால் திரிணாமுல் காங்கிரஸ் மற்றும் பிஜு ஜனதா தளத்திடமிருந்து கடுமையான எதிர்ப்பை எதிர்கொள்கிறது.

மோடியின் அலை தெரியாத ஒரு சூழ்நிலையில் விளைந்த முதல் மூன்று கட்டங்களில் பல மாநிலங்களில் உள்ளது பிராந்தியக் கட்சிகளின் எதிர்ப்பு தான். ஆனால் 2019 தேர்தல் ஒரு அலை இல்லாமல் முடிவடையும் என்று முடிவுக்கு வர இன்னும் சிறிது நாட்களாகும் இன்னும் 3 கட்ட தேர்தல்கள் உள்ளன என கூறி உள்ளார்.