கோவை
தூத்துக்குடி மாவட்டம் கழுகுமலையை சேர்ந்தவர் கருப்பசாமி (வயது 54). கட்டிட தொழிலாளி. இவர் நேற்றுமுன்தினம் தனது மோட்டார் சைக்கிளில் கோவை-திருச்சி ரோட்டில் சென்று கொண்டிருந்தார்.
அப்போது சுங்கம் பஸ் நிறுத்தம் அருகே வந்த போது எதிர்பாரத விதமாக எதிரே வந்த அரசு பஸ் இவரது மோட்டார் சைக்கிள் மீது கண் இமைக்கும் நேரத்தில் மோதியது.
இதில் தூக்கி வீசப்பட்டு படுகாயம் அடைந்த கருப்பசாமியை அங்கிருந்தவர்கள் மீட்டு கோவை அரசு ஆஸ்பத்திரியில் சிகிச்சைக்காக அனுமதித்தனர். ஆனால் ஆஸ்பத்திரிக்கு செல்லும் வழியிலேயே அவர் பரிதாபமாக உயிரிழந்தார்.
இந்த விபத்து குறித்து கோவை கிழக்கு போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.