மீன் பிடித்தபோது நீரில் மூழ்கி வியாபாரி பலி

வாலாஜாபேட்டை

வாலாஜாபேட்டை பாலாறு அணைக்கட்டு இலங்கை அகதிகள் முகாமில் வசித்தவர் நீலமேகம் (வயது 40). இவர் மீன் பிடித்து வியாபாரம் செய்து வந்தார். சம்பவத்தன்று பாலாற்றுக்கு சென்று மீன் பிடித்துக் கொண்டிருந்தார். அப்போது ஆற்றுக்குள் தவறி விழுந்து தண்ணீரில் மூழ்கி விட்டார்.

அந்தப் பகுதியில் மீன்பிடித்துக் கொண்டிருந்தவர்கள் அவரை மீட்டு வாலாஜா அரசு மருத்துவமனைக்கு கொண்டு சென்றனர். ஆனால் அவர் வழியிலேயே இறந்து விட்டார்.

இதுகுறித்து வாலாஜா போலீசார் வழக்குப் பதிவு செய்து விசாரணை நடத்தி வருகின்றனர்.