சங்கரன்கோவிலில் மோட்டார் சைக்கிள் திருட்டு

சங்கரன்கோவில்:

சங்கரன்கோவில் காந்தி நகர் பகுதியைச் சேர்ந்தவர் சுந்தர் (வயது 50). கூலித்தொழிலாளி. சம்பவத்தன்று இரவு இவர் தனது வீட்டு முன்பு மோட்டார் சைக்கிளை நிறுத்தி இருந்தார். மறுநாள் காலையில் மீண்டும் வந்து பார்த்தபோது மோட்டார் சைக்கிளை காணவில்லை. அதை யாரோ மர்மநபர் திருடி சென்றது தெரியவந்தது.  இதுகுறித்து சுந்தர் சங்கரன்கோவில் டவுன் போலீசில் புகார் செய்தார். அதன்பேரில் போலீசார் வழக்குப்பதிவு செய்து, மோட்டார் சைக்கிளை திருடி சென்றவரை தேடி வருகின்றனர்.