வளவனூரில் நரசிம்மர் ஜெயந்தி விழா

வளவனூர், 

விழுப்புரம் அடுத்த வளவனூரில் பிரசித்திபெற்ற ஸ்ரீ வேதவல்லி தாயார் சமேத ஸ்ரீலட்சுமி நாராயண பெருமாள் கோவில் உள்ளது. இந்த கோவிலில்  நரசிம்மர் ஜெயந்தியை யொட்டி சுதர்சன யாகம், லட்சுமி, லட்சுமி நரசிம்மர் யாகம் நடைபெற்றது. 

தொடர்ந்து மூலவர் ஸ்ரீ லட்சுமி நாராயண பெருமாளுக்கு சிறப்பு பூஜை நடந்து, திருமஞ்சனம் நடைபெற்றது. பின்னர், வேதவல்லி தாயாருடன் லட்சுமி நாராயண பெருமாள் பக்தர்களுக்கு அருள்பாலித்தார்.

 இங்குள்ள மூலவர் ஸ்ரீ யோக நரசிம்மருக்கு சந்தனகாப்பு அலங்காரம் செய்யப்பட்டு இருந்தது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். விழா ஏற்பாடுகளை ஆராவமுதன் பட்டாச்சாரியார், வளவனூர் பொதுமக்கள் செய்திருந்தனர்.