ஸ்ரீலட்சுமி நரசிம்மர் கோவிலில் நரசிம்ம ஜெயந்தி விழா நடை பெற்றது

பொள்ளாச்சி

பொள்ளாச்சி- பாலக்காடு சாலையில் ஸ்ரீ லட்சுமி நரசிம்மர் கோவில் உள்ளது. இந்த கோவிலில் நரசிம்ம ஜெயந்திவிழா  நடை பெற்றது. 

இதையொட்டி ஸ்ரீ நரசிம்மர் பிரதோஷம், மகா சுதர்சன ஹோமம், சாற்றுமுறை நடத்தப்பட்டு, பக்தர்களுக்கு தீர்த்த பிரசாதம், ஸ்ரீ விஷ்ணு சகஸ்ர நாமம் நடந்தது.  காலை 6 மணி முதல் ஏழு வகையான ஹோமங்கள் நடந்தது. 

திரவியாகுதி, மஹாபூர்ணாகுதி, நிவேதனம் சாற்றுமுறை, மகாதீபாராதனை நடைபெற்றது. இதையடுத்து அன்னதானம் வழங்கப்பட்டது. 

மேலும் லட்சுமி நரசிம்மருக்கு சிறப்பு புஷ்ப யாகம் நடந்தது. 

இதில் பக்தர்கள் திரளாக கலந்து கொண்டனர். இதற்கான ஏற்பாடுகளை கோவில் நிர்வாகம் மற்றும் ஸ்ரீலட்சுமி நரசிம்ம சேவா சங்கத்தினர் செய்து இருந்தனர்.