மோட்டார் சைக்கிள் மோதி பெண் சாவு

ஏர்வாடி:

ஏர்வாடி அருகே உள்ள மாவடி வடக்கு தெருவை சேர்ந்தவர் ஜான் கார்த்தீசன் மனைவி வசந்தா என்ற பாக்கியத்தாய் (வயது 60). இவரது மகன் ஜெகதீஷ் மாவடியில் ஓட்டல் நடத்தி வருகிறார். சம்பவத்தன்று இரவில் வசந்தா, ஓட்டலுக்கு தண்ணீர் எடுத்து வருவதற்காக சென்றார். சாலையை கடந்து சென்றபோது, அந்த வழியாக ஓட்டி வந்த மோட்டார்சைக்கிள் வசந்தா மீது மோதியது. இதில் பலத்த காயமடைந்த அவர் மயங்கினார். அவரை உறவினர்கள் மீட்டு சிகிச்சைக்காக களக்காடு தனியார் ஆஸ்பத்திரியில் அனுமதித்தனர். அதன் பின்னர் மேல் சிகிச்சைக்காக நெல்லை அரசு ஆஸ்பத்திரியில் சேர்க்கப்பட்டார். அங்கு சிகிச்சை பலனின்றி வசந்தா இறந்தார். இதுபற்றிய புகாரின் பேரில் அதே ஊரைச் சேர்ந்த துரைராஜ் மகன் ஜோதி மணிகண்டன் (36) என்பவர் மீது திருக்குறுங்குடி போலீசார் வழக்குப்பதிவு செய்து விசாரணை நடத்தி வருகின்றனர்.